ԱԺ նախկին պատգամավոր, ԵՊՀ դոցենտ, իրավաբանական գիտությունների թեկնածու Տարոն Սիմոնյանի ՖԲ գրառումը.
Ադրբեջանի պահանջ֊գործողությունները հիշեցնում են մեկ դար առաջվա Թուրքիայի գործողություններին՝ հայերի զինաթափում։
Դրանից հետո բոլորս էլ հասկանում ենք՝ ինչին է պատրաստվում՝ էթնիկ զտում և/կամ ցեղասպանություն։
Ադրբեջանի կողմից միջազգային իրավունքի կոպիտ խախտումները եղել են և շարունակվելու են ոչ միայն նրա պատճառով, որ ոչ պակաս հանցագործ ղեկավարություն ունեցող Թուրքիան մեջքին է, միջազգային հանրությունը «զբաղված է», պայմանագրեր է կնքում կամ ճանապարհներ է կառուցում փոքրիկ դիկտատորի հետ, այլ այն կարևոր պատճառով, որ մենք չենք ցանկանում առերեսվել իրականության հետ և գիտակցել, որ թշնամուն սանձելու միակ արդյունավետ տարբերակը ուժեղ, համախմբված հանրություն ունենալն է, որն ունակ է ստեղծել առաջադեմ պետություն ու թեկուզ փոքր, բայց անպարտելի բանակ, որին էլ զորագրվել է յուրաքանչյու քաղաքացի ու գիտի իր տեղն ու դերը։
Իսկ խաղաղապահների վրա մեծ հույսեր դնողներին նախ պետք է հիշեցնել, որ որևէ պետություն իր զինվորի արյունը պակաս կարևոր չի համարելու քո զինվորի արյունից, և հետաբար ՄԱԿ֊ի, ԵԱՀԿ֊ի, ՀԱՊԿ֊ի կամ որևէ առանձին պետության խաղաղապահ մեր խնդիրը մեր փոխարեն չի լուծելու։
Կարդացեք նաև
Իսկ այնուհետև թարմացնել, ՄԱԿ֊ի և այլ միջազգային չհաջողված խաղաղապահ առաքելությունների վերաբերյալ հիշողությունը, որոնց «աշխատանքի պայմանաներում» զոհ են գնացել հազարավոր մարդիկ ՝
✅ Սոմալի ֊ 1992թ՝ 500,000 զոհ,
✅ Ռուանդա ֊ 1994թ՝ 800,000 զոհ,
✅ Բոսնիա և Հերցեգովինա (Սրեբրենիցա) ֊ 1995` 8,000 զոհ,
✅ Դարֆուր ֊ 2003 ՝ 200,000 զոհ,
և այլն։
Ցավոք, մենք ոչ առաջինն ենք, ոչ էլ վերջինը, բայց 90֊ականնների սկզբի փորձով ապացուցել ենք աշխարհին, որ Արցախի և Հայաստանի Հանրապետությունների, հայ ժողովրդի անվտանգության միակ արդյունավետ երաշխավորը հայկական բանակն է և հայ մարդը։
Արել ենք ոչ վաղ անցյալում և անելու ենք հիմա. այլ տարբերակ չկա։
Հ.Գ. Իսկ վախի, անբարոյականության ու տգիտության սիրահարներին խորհուրդ կտամ վերանայել իրենց արժեհամակարգերը, թե չէ հենց այդ ապագան հաստատ ներողամիտ չի լինելու։
