«Սասուն» ազգագրական երգի–պարի համույթի ղեկավար, «Գաթա բենդ»-ի համահիմնադիր ԱՆԴՐԱՆԻԿ սարկավագ ՄԱՆՈՒԿՅԱՆԸ, չդիմանալով այն վերաբերմունքին, որին արժանացել է՝ առողջական խնդիրներով տեղափոխվել է հիվանդանոց: Թե ի՞նչն է պատճառ դարձել առողջության վատթարացման, «Իրավունքը» պարզել է նրանից:
— Ո՞րն է պատճառը, որ սրտի հետ կապված խնդիրներ են առաջացել:
— Ամեն օր սթրես եմ տանում: Ո՞ւմ տունը քանդեն, ստեղծագործական աշխարհը տակնուվրա անեն, հանգիստ կնստի: Ազգայինի մեջ լինելով եւ աշխարհին մեր մշակույթը ներկայացնելով՝ այսօր ես անտեսված եմ: Տունս քանդում են: Օրենքով, էթիկայի նորմերով բերեցինք, դրեցինք իրենց առաջ: Անզեն աչքով էլ կարելի է տեսնել այն խախտումները, որ արվում են իրենց կողմից:
— Հիմա Ձեր հիվանդության` սրտի խնդիրները, որ առաջացել են իրենց նման պահվածքի պատճառով, այդ բարոյական վնասն ո՞վ է փոխհատուցելու:
Կարդացեք նաև
— Ոչ մեկ… Սա է դարձել երկիրը: Սրտային հիվանդ եմ դարձել այդ շինարարության պատճառով: Բոլորն էլ գիտեն՝ վարչապետն էլ է այդ գործից տեղյակ, կառավարության աշխատակազմի ղեկավար Արայիկ Հարությունյանն էլ, պաշտպանության նախարար Սուրեն Պապիկյանն էլ, ԱԺ նախագահ Ալեն Սիմոնյանն էլ: Քննիչը, երբ գնացել է քաղաքապետարանից առգրավել եւ բերել է այդ նյութերը, այդ ժամանակ վախից անմիջապես քաղաքապետարանից տեղյակ են պահել քննիչին, թե տվյալ փաթեթի մեջ ինչ խախտումներ կան: Ու մինչ օրս քաղաքապետարանը քրեականին պատասխան չի տալիս: Քաղաքաշինության, տեխնիկական եւ հրդեհային անվտանգության տեսչական մարմինն այդ խախտումների համար գործն ուղարկել է դատախազություն, ու մինչ օրս ոչ մի լուծում չկա: Դատախազությունը ոչ մի բան չի անում: Եթե պետական տեսչական մարմինը ձայն չունի, եւ քաղաքապետարանն է այս ամենի լուծում տվողը, իմաստը ո՞րն է նման կառույցների գործունեության, թող քաղաքապետարանն էլ որոշումներ կայացնի:
Նունե ԶԱՔԱՐՅԱՆ
Հոդվածն ամբողջությամբ՝ «Իրավունք» թերթի այսօրվա համարում:
