Մոսկվան դեմ չէ Երևանի և Բաքվի հարաբերությունների կարգավորման գործընթացում նոր դերակատարների ներգրավմանը, եթե նրանք գործեն Ռուսաստանի, Հայաստանի և Ադրբեջանի ղեկավարների եռակողմ հայտարարությունների շրջանակներում և առանց քողարկված ինտրիգների։ Այս մասին հայտարարել է ՌԴ ԱԳՆ տեղեկատվության եւ մամուլի բաժնի փոխտնօրեն Իվան Նեչաևը՝ արձագանքելով դիտարկմանը, որ կարծես Արևմուտքը փորձում է Ռուսաստանին դուրս թողնել հայ-ադրբեջանական կարգավորման գործընթացից:
«Գլխավորը՝ թույլ չտալ կրկնօրինակումներ ու քողարկված խաղեր, որպեսզի ինչ-որ մեկին թուլացնեն, խանգարեն։ Ցավոք, մենք մեկ անգամ չէ, որ ստիպված ենք եղել նշված դերակատարների կողմից նման փորձի հետ առնչվել»,- նշել է դիվանագետը։
Նա նշել է, որ Ռուսաստանը հանդես է գալիս Հարավային Կովկասը խաղաղության և բարգավաճման գոտու վերածելու օգտին. տարածաշրջանի ուղղությամբ իր աշխատանքում Մոսկվան առաջ է քաշում բացառապես կառուցողական օրակարգ և չի պատրաստվում մրցակցել որևէ մեկի հետ։
Ինչ վերաբերում է Բաքվի և Երևանի միջև հարաբերությունների կարգավորմանը, Նեչաևը հիշեցրել է, որ անհրաժեշտ է համապատասխան ջանքեր գործադրել՝ Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ հայտարարությունների հիման վրա։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
