Հնդկաստանի Չեննայ քաղաքում հուլիսի 28-ից օգոստոսի 10-ը կայանալու է շախմատի 44-րդ համաշխարհային օլիմպիադան: Տղամարդկանց մրցաշարին մասնակցելու համար հայտավորվել է 188, կանանց համար՝ 162 հավաքական:
Հայաստանի տղամարդկանց ընտրանու մարզիչ Արման Փաշիկյանը թիմում ընդգրկել է Գաբրիել Սարգսյանին, Հրանտ Մելքումյանին, Սամվել Տեր-Սահակյանին, Մանուել Պետրոսյանին եւ Ռոբերտ Հովհաննիսյանին, իսկ կանանց հավաքականի մարզիչ Զավեն Անդրիասյանը հրավիրել է Էլինա Դանիելյանին, Լիլիթ Մկրտչյանին, Աննա Սարգսյանին, Մարիամ Մկրտչյանին եւ Սուսաննա Գաբոյանին:
Առաջին տուրը մեկնարկելու է հուլիսի 29-ին:
Աշոտ ՀԱԿՈԲՅԱՆ
