«Ինչպես գիտեք՝ դատարանը Ազատագրում շարժման ղեկավար, քաղբանտարկյալ Միքայել Բադալյանի խափանման միջոցը փոփոխել էր և կիրառել էր 6 միլիոն դրամ գրավ։ Սակայն դրանից հետո էլ Բադալյանը շարունակեց լրացուցիչ երեք օր էլ մնալ ապօրինի ազատազրկված։ Բանն այն է, որ նոր քրեական դատավարության օրենսգրքով սահմանվել է, որ կալանքից ազատելու համար պաշտպանը պետք է դիմի վարույթն իրականացնողին, որպեսզի վերջինս գրությամբ հանձնարարի քրեակատարողական հիմնարկի վարչակազմին, որպեսզի նրանք էլ կալանավորին ազատ արձակեն։ Այս ընթացքում, պարզվում է, քննչականը նախաքննությունը հասցնում է ավարտել և գործն ուղարկել դատարան։ Իսկ դատավոր է նշանակվում բոլորիս կողմից ճանաչված՝ Աննա Դանիբեկյանը։
Միքայել Բադալյանի պաշտպանն անհրաժեշտ փաստաթղթերը նույն պահին ուղարկում է դատավոր Աննա Դանիբեկյանին, որպեսզի վերջինս կատարի իր պարտականությունը և ընդամենը մեկ գրությամբ քրեակատարողական հիմնարկի վարչակազմին հանձնարարի, որպեսզի անհապաղ ազատ արձակեն Միքայել Բադալյանին, սակայն անհասկանալի պատճառներով այդ պարզ գործողությունը Դանիբեկյանը կատարում է ուղիղ երեք օրում։
Այսպիսով, այսօրվանից քաղբանտարկյալ Միքայել Բադալյանն ազատության մեջ է, սակայն առողջական վիճակից ելնելով դեռ մի քանի օր կանցկացնի հիվանդանոցում։
Առողջություն եմ մաղթում մեր բոլոր քաղբանտարկյալներին և սպասում նրանց անհապաղ ազատությանը»։
Կարդացեք նաև
Արսեն Բաբայան
