Հայաստանի նախկին նախագահ Արմեն Սարգսյանը 2021թ. հոկտեմբերի 23-ին «Մտքերի հայկական երրորդ գագաթնաժողովի» շրջանակում «Ապագայի զրույցներ» խորագրով զրույց-քննարկում էր ունեցել Նուբար Աֆեյանի հետ:
Նրանք անդրադարձել էին մի քանի թեմաների, այդ թվում՝ նորարարության դերին, թե ինչպես է այն տրանսֆորմացիայի ենթարկում աշխարհը, և ինչպես է ինքը՝ նորարարությունը, ենթարկվել տրանսֆորմացիայի, ինչպես կարելի է Հայաստանը դարձնել գլոբալ նորարարությունների կենտրոն…
Արմեն Սարգսյանը մասնավորապես ասել էր, որ պատմությունն ապացուցել է, որ Հայաստանը կարող է շատ նորարար լինել, և նշել. «Դուք մեկն եք պատմության ապացույցներից, որ հայկական միտքը կարող է լինել նորարար: Եվ ավելի քան բնական է՝ փորձել Հայաստանը դարձնել նորարարական կենտրոն»…
Զրուցակիցները համամիտ էին, որ՝ «որպեսզի այսօր լուծենք մեր խնդիրները, պետք է շատ աշխատենք և կենտրոնանանք ապագայի վրա: Հակառակ դեպքում, եթե կանգ առնենք միայն այսօրվա վրա, մենք երբեք դա չենք անի: Այսօրն ավելի կապված է անցյալի, քան ապագայի հետ։ Պետք է այսօրվա խնդիրները լուծելու համար կենտրոնանանք վաղվա վրա, աշխատենք վաղվա օրվա համար, զարգացնենք տարբեր ուղղություններ վաղվա համար:
Կարդացեք նաև
…Այս ամենը մեծապես կապ ունի նաև հավատի հետ: Մեծ առաջընթացը նախ և առաջ հավատի թռիչքն է: Իսկ հավատի թռիչքները նախ և առաջ հիմնված են այն համոզմունքի վրա, որ նման թռիչք կատարելով՝ կհայտնվես ավելի լավ վայրում: Այդ հավատը սնվում է մարդու կարողությամբ՝ պատկերացնելու և հավատալու նրան, ինչ պատկերացնում ես: Եթե չկարողանաս հավատալ նրան, ինչ պատկերացնում ես, ապա նախ՝ կլինես ընկճված վիճակում և, երկրորդը, չես կարող առաջընթաց ունենալ: Ուստի, պատմականորեն հավատի խորը արմատներ ունեցող երկրի համար բնազդներից մեկը պետք է լինի հավատալն ապագային: Մենք պետք է գտնենք դա մեր պատմության, մեր մշակույթի մեջ, որպեսզի կարողանանք կրկին հավատալ ավելի լավ ապագային»:
ՀՀ 4-րդ նախագահի գրասենյակ
