Ա1+. «Ադրբեջանը բազմաթիվ անգամներ է հայտարարել, որ եթե Հայաստանը երկու, առավելագույնը երեք տարիների ընթացքում չկատարի ստանձնած պարտավորությունները կամ իր պահանջները, ապա մտադիր չէ սպասել 26 տարի, ինչպես սպասել է 1994-ից հետո։ Խոսքը վերաբերում է թե՛ խաղաղության պայմանագրի ստորագրմանը, թե՛ Արցախից վերջնական հրաժարմանն ու Արցախի հայաթափմանը, թե՛ Սյունիքի տարածքով Ադրբեջանը Նախիջևանին կապող ճանապարհների գործարկմանը։ Ասում են՝ այս անգամ մեր համբերությունն առավելագույնը կհերիքի 2-3 տարի»,- «Ա1+»-ի հետ զրույցում ասաց քաղաքագետ Բենիամին Պողոսյանը, որը համոզված է, որ եթե ռազմական գործողություներ սկսվեն, մենք արևմտյան մեր գործընկերներից որևէ աջակցություն չենք ստանա։ Միակ պետությունը, որ դա կարող է թույլ չտալ կամ Ադրբեջանի հետ մտնել ռազմական գործողությունների մեջ, ՌԴ-ն է։ Բայց սահմանափակ ներխուժման դեպքում ՌԴ-ից ռազմական պատասխան չի լինի, քանի որ Ադրբեջանն էլ ՌԴ-ի համար բավականաչափ կարևոր պետություն է։
Անդրադառնալով Արցախը Հայաստանին կապող նոր կառուցվելիք ճանապարհին՝ Բենիամին Պողոսյանն ասում է՝ Ադրբեջանը թույլ չի տա, որ այդ նոր ճանապարհով անցնեն գազամուղը, էլեկտրաէներգիայի և ինտերնետի գծերը, իսկ դա նշանակում է, որ Արցախը հարկադրված է լինելու դրանք ստանալ Ադրբեջանից կամ ընդհանրապես չունենալ։
Նյութն ամբողջությամբ՝ սկզբնաղբյուր կայքում:
