Հայաստանի կառավարությունը ձգտում է փոխել տնտեսության կառուցվածքը՝ սպառման վրա հիմնված տնտեսական աճից անցնելով ներդրումների վրա հիմնված աճի։ Այսօր այս մասին ասաց ՀՀ էկոնոմիկայի նախարար Վահան Քերոբյանը, որը մասնակցում էր ներդրումային բարեփոխումների ճանապարհային քարտեզի ներկայացման միջոցառմանը: Այն նախաձեռնել էր ԱՄՆ ՄԶԳ հայաստանյան առաքելությունը:
Նախարարի խոսքով, այս ամբողջ աշխատանքը բխում է կառավարության 2021-26 թվականների ծրագրում դրված թիրախներից և առաջնահերթություններից: Պարոն Քերոբյանի խոսքով, այս փաստաթղթից մեծ են կառավարության ակնկալիքները: Ասաց նաև, որ տեղական և միջազգային գործարարները պետք է իրազեկված լինեն, որ Հայաստանում գործարար միջավայրը դառնում է հարմար և ապահով, ներդրումներն այստեղ լինելու են արդարացված և եկամտաբեր: Ըստ նախարարի, օրենսդրական դաշտը լինելու է կանոնակարգված, վարչարարությունը պարզ:
Նախարարը նշեց, որ ճանապարհային քարտեզը մշակվել է էկոնոմիկայի նախարարության պատվերով։
Լուսինե ԲՈՒԴԱՂՅԱՆ
