ԱԺ «Լուսավոր Հայաստան» խմբակցության նախկին պատգամավոր Տարոն Սիմոնյանի ֆեյսբուքյան գրառումը
Վստահ եմ՝ շատերդ եք շրջապատից լսում, որ՝
-անհնար է սանձել այսօրվա հարևան֊հակառակորդներին,
-անհնար է տարածաշրջանի վրա ազդեցություն ունեցող մեծ տերությունների շահերն ավելի լավ համադրել հայկական շահի հետ,
Կարդացեք նաև
-անհնար է ստեղծել տնտեսապես մրցունակ, ռազմական առումով հզոր, տեխնոլոգիական առումով նորարար և մշակութային առումով առաջադեմ պետականություն,
-անհնար է ձևավորել հասուն հանրություն,
-անհնար է կերտել առաքինի անհատ,
-անհնար է վերականգնել ՀՀ-ի և ԱՀ-ի տարածքային ամբողջականությունը և այլն։
Վստահ եմ նաև, որ նման վատատեսական մարդկանց հեռուստացույցն ավելի մեծ է, քան գրադարանը, ՖԲ-ում անցկացվող ժամանակն ավելի երկար է, քան աշխատանքային ժամանակը, կյանքից հոգնած մարդկանց հետ շփումն ավելի շատ է, քան առույգ մարդկանց հետ, և ընդհանրապես՝ գործ չանելու ցանկությունն ավելի մեծ է, քան փոքր քայլերով աշխատելու նվիրումը։
Մի բան միայն կարելի է ասել մեր ընկերներին, ովքեր անհնարության կողմնակիցն են։ Այս ամենը ոչ թե անհնար է, այլ ԱՆՀՐԱԺԵՇՏ։
Հետևաբար` ամեն օր «անհնարը» սնուցելու փոխարեն, սնուցեք «ԱՆՀՐԱԺԵՇՏԸ», որ միտքն ու մարմինը ճիշտ աշխատեն՝ դեպի խնդրի լուծում, ոչ թե խնդրի հետ հաշտություն։
Հ.Գ. Ու ամենակարևորը՝ այս երեխաների սերունդը պիտի դաստիարակվի հենց այս ԱՆՀՐԱԺԵՇՏՈՒԹՅԱՄԲ…
Լուսանկարը՝ Արեգ Բալայանի
