Հուլիսի 18-ի առավոտյան շտապ բուժօգնության մեքենայով «Վանաձորի բժշկական կենտրոն» է տեղափոխվել 4-ամյա երեխա: Փոքրիկի մոտ ախտորոշվել է մարմնի 22 տոկոս ջերմային այրվածք. «Ջերմային այրվածքներ է ստացել՝ կրծքավանդակի, որովայնի, մեջքի եւ դեմքի շրջանում: Ընդունման պահին ունեցել է այրվածքային շոկ, անմիջապես կատարվել են հակաշոկային միջոցառումներ»,- այս մասին Aravot.am-ին փոխանցեցին «Վանաձորի բժշկական կենտրոնի» մամուլի ծառայությունից, նշելով, որ այլ մանրամասներ չեն կարող հաղորդել:
Երեխայի վիճակն այս պահին բժիշկները գնահատում են կայուն բավարար: Փոքրիկը գտնվում է բժիշկների հոգածության ու ուշադրության տակ: Երեխան շարունակում է ստանալ ստացիոնար բուժում: Այժմ իրականացվում են վերքերի ընդհանուր եւ տեղային բուժումներ:
Տաթեւիկ ՂԱԶԱՐՅԱՆ
Լուսանկարը՝ Վանաձորի ԲԿ-ի ֆեյսբուքյան էջի
