Ermenihaber. Ուշագրավ դեպք է տեղի ունեցել Թուրքիայի նախագահ Ռեջեփ Թայիփ Էրդողանի և Ռուսաստանի նախագահ Վլադիմիր Պուտինի թեհրանյան հանդիպման ընթացքում:
Նախատեսված հանդիպումից ու ձեռքսեղմումից առաջ ՌԴ նախագահը տեսախցիկների առաջ սպասել է իր թուրք գործընկերոջը մոտ 45 վայրկյան՝ այդ ընթացքում անհանգիստ շարժումներ անելով։
Այս դրվագը չի վրիպել լրատվամիջոցների ուշադրությունից:
Որոշ թուրքական լրատվամիջոցներ սա համարել էն «Էրդողանի վրեժը» այն բանի համար, որ 2020 թվականի մարտին Վլադիմիր Պուտինը Թուրքիայի նախագահին և նրա գլխավորած պատվիրակությանը 2 րոպե սպասեցրել էր Կրեմլում: Այդ իրադարձությունը նույնպես մեծ աղմուկ էր առաջացրել:
Կարդացեք նաև
Եվ այժմ Թեհրանում Թուրքիայի նախագահը կարծես դիտմամբ 45 վայրկյան ուշանալով, սպասեցրել է Պուտինին, «ռևանշի» հասել նրա նկատմամբ՝ փորձելով այդ կերպ վերականգնել իր «արժանապատվությունը» և մոսկովյան հանդիպման ժամանակ խարխլված հեղինակությունը:
«Ա». Պուտինի հետ հանդիպմանը Էրդողանի ուշանալը նորություն չէ, բնավ: 2016-ին ՌԴ նախագահը «հանուն ընկերության» Էրդողանին սպասել էր ավելի, քան 1 րոպե:
