ԱՄՆ Պետդեպի ներկայացուցիչ Նեդ Փրայսը հուլիսի 18-ին տեղի ունեցած ճեպազրույցում ասել է, որ իրենք ողջունում են Հայաստանի և Ադրբեջանի ԱԳՆ ներկայացուցիչների ուղիղ շփումները:
«Մենք ողջունել ենք ներկայացուցիչների հանդիպումը։ Մենք շարունակում ենք հավատալ, որ երկխոսությունը լավագույն միջոցն է Հարավային Կովկասի տարածաշրջանում խաղաղ, ժողովրդավար և բարգավաճ ապագայի հասնելու համար, և մենք կշարունակենք աջակցել դրան, ինչով կարող ենք»,- ասել է Փրայսը:
Նրա խոսքով՝ իրենք մշտապես ասել են, որ պատրաստ են և շարունակում ենք պատրաստ մնալ՝ աշխատել երկկողմ և համախոհ գործընկերների հետ, այդ թվում՝ որպես ԵԱՀԿ Մինսկի խմբի համանախագահ, օգնելու երկրներին գտնել երկարաժամկետ, համապարփակ խաղաղություն։
Փրայսը նաև հիշեցրել է, որ պետքարտուղար Բլինկենը վերջին շաբաթներին հնարավորություն է ունեցել շփվելու ԱԳ նախարարությունների իր գործընկերների հետ․ «Պետքարտուղարի օգնական Դոնֆրիդը, այս շենքում գտնվող մյուսները, նույնպես հնարավորություն են ունեցել բարձր մակարդակով շփվել հայ և ադրբեջանցի գործընկերների հետ»։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
