Ադրբեջանը և Եվրամիությունը ստորագրել են էներգետիկի ոլորտում ռազմավարական գործընկերության փոխըմբռնման հուշագիր:
Փաստաթուղթը ստորագրել են Ադրբեջանի նախագահ Իլհամ Ալիևը և Եվրահանձնաժողովի նախագահ Ուրսուլա ֆոն դեր Լյայենը:
«Դուք հուսալի գործընկեր եք ոչ միայն մեր էներգետիկ անվտանգության, այլ «կանաչ էներգիայի համար: Ստորագրված փաստաթուղթն էլ ավելի կամրապնդի մեր գործակցությունն էներգետիկ ոլորտում»,- ասել է Եվրահանձնաժողովի նախագահը ստորագրման արարողությանը հաջորդած մամուլի ասուլիսում:
Նա նշել է, որ ըստ պայմանագրի` նախ կկրկնապատկվեն Ադրբեջանից գազի մատակարարումները, և հաջորդ տարի արդեն իրենք կստանան մինչև 12 մլրդ խորանարդ մետր գազ, իսկ առաջիկա տարիներին այդ թիվը կհասցնեն 20 մլրդ-ի:
Կարդացեք նաև
Ուրսուլա ֆոն դեր Լյայենը նաև ասել է, որ իրենց համար Ռուսաստանը հուսալի գործընկեր չէր անգամ նախքան Ուկրաինայի պատերազմը:
«Ուստի ԵՄ-ը կենտրոնացավ Ռուսաստանից բացի` այլ լրացուցիչ աղբյուրներ գտնելու վրա, սկսեց աշխատել առավել հուսալի գործընկերների հետ: Ես ուրախ եմ, որ Ադրբեջանն այն գործընկերների թվում է, ում մենք վստահում ենք: Դուք մեզ համար շատ կարևոր էներգետիկ գործընկեր եք և միշտ եղել եք հուսալի գործընկեր»,- ասել է նա:
Պատրաստեց Վիկտորյա ԱՆԴՐԵԱՍՅԱՆԸ
