«Մի նախաձեռնությամբ ենք հանդես գալու։ Հիմա մշակում ենք չեղարկման հռչակագիր, որի էությունը հետեւյալն է․ հաշվի առնելով այն, որ Նիկոլը կապ չունի հայ ժողովրդի շահերի եւ կամարտահայտության հետ, որ ժողովրդին խոստացավ մի բան, բայց անում է այլ բան, որ սպասարկում է Ադրբեջանի եւ Թուրքիայի շահերը, մենք հանդես ենք գալիս նախաձեռնությամբ, որ հաջորդ իշխանությունը հրատապության կարգով պետք է առ ոչինչ հայտարարի Նիկոլի ցանկացած բանավոր եւ գրավոր պայմանավորվածություն»,-Ֆրանսիայի հրապարակում դիմադրության շարժման հանրահավաքի ժամանակ այսօր հայտարարեց ԱԺ «Հայաստան» խմբակցության պատգամավոր Իշխան Սաղաթելյանը։
«Փաստաթուղթը վերջնական մշակելուց հետո առաջարկելու ենք, որ ՀՀ բոլոր քաղաքական ուժերն ու գործիչները դրա տակ ստորագրեն։ Աշխարհը, Ալիեւը եւ Էրդողանը պետք է հասկանան, որ Նիկոլի հետ ձեռք բերած ցանկացած պայմանավորվածություն առ ոչինչ է եւ իրավական նշանակություն չունի հայ ժողովրդի համար»,-հավելեց Իշխան Սաղաթելյանը։
Նա նաեւ տեղեկացրեց, որ հաջորդ հանրահավաքը հուլիսի 21-ին է՝ 19:30-ին, Ֆրանսիայի հրապարակում։
Կարդացեք նաև
Լուիզա ՍՈՒՔԻԱՍՅԱՆ
