«Երեկ վարչապետը հայտարարեց, որ գնաճը չվերահսկելու պատճառով հրաժարական կտա, բայց դա Իտալիայի վարչապետն էր, ոչ թե Հայաստանինը։ Մարդը որովհետեւ չի կարողանում գնաճը վերահսկել, իսկ այս տղան մեր տղերքին տարավ գիտակցված դրեց զոհասեղանին, մնաց։ Տեսա՞ք ինչ եղավ։ Եթե մտածում եք՝ ինքը կամավոր հրաժարական է տալու, ճիշտ եք անում, որովհետեւ մենք ճնշում ենք գործադրելու այնքան, որ այն ուժեղ լինի Թուրքիայից եւ Ադրբեջանից»,-դիմադրության շարժման հանրահավաքի ժամանակ այսօր հայտարարեց ԱԺ «Հայաստան» խմբակցության պատգամավոր Գեղամ Նազարյանը։
«Մի գաղտնիք կա, թե ինչու այսօր հրաժարական չի տալիս։ Որովհետեւ մենք այսօր բարի ենք, մեղմ ենք, մեր, ժողովրդի ճնշումն առայժմ զիջում է Ադրբեջանի եւ Թուրքիայի ճնշմանը։ Հենց մեր ճնշումն ավելի ուժեղ լինի, նա հրաժարական է տալու»,-նշեց Գեղամ Նազարյանը։
Լուիզա ՍՈՒՔԻԱՍՅԱՆ
