ԱԺ «Քաղաքացիական պայմանագիր» խմբակցության պատգամավոր, ՀՀ աշխատանքի և սոցիալական հարցերի նախկին նախարար Զարուհի Բաթոյանի ֆեյսբուքյան գրառումը
Աշխատանքային օրենսգիրքը մի կողմից արգելում է խտրականությունը հաշմանդամության հիմքով, մյուս կողմից սահմանում, որ աշխատողի աշխատունակությունը չվերականգնվելու դեպքում գործատուն կարող է լուծել պայմանագիրը
Քիչ առաջ Ազգային ժողովը 2-րդ ընթերցմամբ և ամբողջությամբ ընդունեց իմ հեղինակած օրենսդրական նախագիծը:
📕Աշխատանքային օրենսգիրքը մի կողմից արգելում է խտրականությունը հաշմանդամության հիմքով, մյուս կողմից սահմանում է, որ աշխատողի աշխատունակությունը չվերականգնվելու և հաշմանդամության կարգը որոշվելու դեպքում գործատուն կարող է լուծել աշխատանքային պայմանագիրը: Բացի այդ, բացակայում են երաշխիքներ խելամիտ հարմարեցումների տրամադրման համար այն պարագայում, երբ աշխատողն աշխատանքի ընթացքում է ճանաչվել է հաշմանդամություն ունեցող անձ:
Կարդացեք նաև
Օրենսդրական փոփոխությամբ՝
📌հաշմանդամություն ունեցող աշխատողների համար նախատեսված երաշխիքներում սահմանվեց, որ աշխատողի աշխատունակությունը չվերականգնվելու և հաշմանդամություն ունեցող անձ ճանաչվելու դեպքում գործատուն կարող է լուծել աշխատանքային պայմանագիրը, այն պարագայում միայն, եթե առկա է հակացուցման եզրակացություն՝ տվյալ աշխատանքով զբաղվելու վերաբերյալ,
📌սահմանվեց, որ աշխատանքային պարտականությունների պատշաճ կատարման կամ նույն գործատուի մոտ այլ աշխատանքի անցնելու նպատակով հաշմանդամություն ունեցող անձը կարող է դիմել գործատուին՝ խելամիտ հարմարեցումներ ստանալու նպատակով,
📌որպես աշխատանքի նորմալ պայմանների ապահովում սահմանվեց խելամիտ հարմարեցումներ տրամադրելը,
📌2023 թվականի հունվարի 1-ից կազմակերպությունների պարտավորություններում ամրագրվեց, որ աշխատողների տեղահանման պլանը պետք է կազմված լինի հաշմանդամություն ունեցող անձանց կարիքների հիման վրա:
