44-օրյա պատերազմում զոհված Սուրեն Պողոսյանի հարազատ Եղիշե Զաքունցը «Հայելի» ակումբում դիմեց բոլոր նրանց, ովքեր առնչություն են ունեցել պարտված պատերազմի հետ: «Կոչ եմ անում նրանց բոլորին, որպեսզի գան կիսախոստովանության եւ պարզաբանեն ամեն ինչ: Միեւնույն է, ուշ թե շուտ ամեն բան բացվելու է եւ երբ այս խունտան հեռանա, դուք ավելի վատ դրության մեջ եք լինելու:
Այո, մենք շատ բան գիտենք: Եվ եթե փորձեք կողքից ինչ-որ սպառնալիքներ հնչեցնել, եւ ինչ-որ քայլեր արդեն արվում են, իմացեք. ես հայրենիք եմ կորցրել, հայրենիք եմ կորցնում, մենք երեխա ենք կորցրել: Չմտածեք, որ ձեր կեղտոտ սադրանքներով կարողանալու եք մեզ լռեցնել: Հանկարծ չփորձեք դա անել»,-ասաց նա:
Աշոտ ՀԱԿՈԲՅԱՆ
