«Հայտարարել են, որ չեն ուզում իջնել մեզ հետ հանդիպման, ասել են, որ որևէ նորություն չունեն»,- լրագրողների հետ զրույցում ՀՀ գլխավոր դատախազության դիմաց տեղեկացրեց 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը։
44-օրյա պատերազմում զոհված զինծառայողների ծնողները, հարազատներն այսօր հավաքվել էին ՀՀ գլխավոր դատախազության շենքի մոտ՝ Գլխավոր դատախազ Արթուր Դավթյանից պահանջելու՝ Նիկոլ Փաշինյանի դեմ հարուցված քրեական գործը Քննչական կոմիտեից տեղափոխվի ՀՀ Ազգային անվտանգության ծառայություն։
Գարիկ Գալեյանը վստահեցրեց՝ ինքն ընդդիմադիր չէ, չփորձվեն նման շահարկումներ անել, ինքն իր տղայի արդար պահանջին է եկել․ «Ես չեմ թողնելու՝ իմ տղայի արյունը տենց ուղղակի, հաստատ պատասխան են տալու։ Որ գեներալը Եռաբլուրում կամ մի տեղ հանդիպեց, քարերով գլուխները ջարդելու եմ։ Տարան մեր տղաներին սպանեցին, մեր ծուխը մարեցին, դրանից այն կողմ էլ ի՞նչ պիտի անեն ինձ, չկա բան, որից պիտի վախենամ»։
Հարցին՝ ինչո՞ւ է ձգձգվում գործի տեղափոխումը ՀՀ ԱԱԾ, զոհված զինծառայող Արման Ազատյանի հայրը՝ Վիգեն Ազատյանն ասաց․«Թիվ մեկ հողատու դավաճանը չի ուզում, որ գործը գնա ԱԱԾ։ Փաստն է այն, որ նա կանխում է։ Միակ ու վերջին ելքն է այն, որ ԱԱԾ-ում ինքը հարցաքննվի ու անուններ տա, քանի որ վստահ ենք, որ մենակ չէ ինքն էս ամենն արել։ Այս քննությունները պետք է անեն համապատասխան մարմինները, մենք այդ պատասխաններն են ուզում ստանալ»։
Կարդացեք նաև
Տաթև ՀԱՐՈՒԹՅՈՒՆՅԱՆ
