«2020թ․ պատերազմի ընթացքում բարեգործական ծրագրերով ՀՀ բերվեցին մեծ քանակի դեղամիջոցներ։ Մեծ էր զարմանքս, որ մեկ-երկու ամիս առաջ խոսակցություն եղավ այս ամենի վերաբերյալ։ Փաստորեն, հատկապես բանակի բուժաշխատողներից շատերը չեն կարող օգտագործել բազմաթիվ դեղամիջոցներ, որովհետեւ չգիտեն, թե ինչպես պետք է օգտագործել»,- կառավարության նախաձեռնությամբ հրավիրված ԱԺ արտահերթ նստաշրջանում այսօր առողջապահության նախարար Անահիտ Ավանեսյանին ասաց ՔՊ խմբակցության պատգամավոր Լիլիթ Ստեփանյանը։
Նա նշեց․ «Այսինքն, կան միջոցներ, բայց չունենք օգտագործողներ։ Սա նախարարության ուշադրության կենտրոնում պետք է լինի, որ մասնագետներին ծանոթացնենք միջազգային շուկայի փոփոխություններին»։
Անահիտ Ավանեսյանն արձագանքեց, որ նշյալ ժամանակահատվածում ստացված դեղամիջոցներն եւ բժշկական սարքավորումները հաշվառվել են․ «Օգտագործման ամբողջ ընթացքը համակարգվել է մեր մասնագիտական խմբերով։ Շատ հասցեական է եղել օգնությունը։ Իհարկե, այդ ժամանակ աշխատանքի տեմպը շատ արագ էր եւ ակտիվ, բայց սարքավորումների հետ կապված փորձել ենք ըստ իմացության մասնագետների դիմել։ Ինչ վերաբերում է դեղերին, ապա պահանջարկը հավաքագրվում է, այսինքն՝ ԲԿ-ները, իմանալով, որ մենք ցանկ ունենք դեղերի, տալիս են պահանջարկ եւ ստանում դեղերը։ Կարծում եմ՝ սա երեւի անհատների հարց է եղել, որը ԲԿ-ների ուշադրության կենտրոնում պետք է եղած լիներ, տրամադրվեր այդ դեղերի օգտագործման գիտելիքը»։
Կարդացեք նաև
Լուիզա ՍՈՒՔԻԱՍՅԱՆ
