Կառավարության նախաձեռնությամբ հրավիրված ԱԺ արտահերթ նստաշրջանում այսօր գործադիրի կողմից օրակարգը զեկուցող առողջապահության նախարար Անահիտ Ավանեսյանը նախ նշեց, որ քննարկվելիք հարցերի հրատապությունը պայմանավորված է ԱԺ նստաշրջանի ավարտով․ օրակարգում 25 հարց է, որի մի մասի առաջին եւ երկրորդ ընթերցումները պետք է կազմակերպել 24-ժամյա ռեժիմով։
ՔՊ խմբակցության պատգամավոր Վիգեն Խաչատրյանին սա դուր չեկավ։ Նա հայտարարեց՝ 23 օրենսդրական նախաձեռնություններից 15-ը ստիպված են քննարկել մեկ օրում, մնացածն էլ՝ 3 օրում։
«Չեմ պատկերացնում՝ այդքան օրում ինչպե՞ս ենք այդքան հարցը քննարկելու, ուսումնասիրելու եւ առաջարկներ ներկայացնելու։ Այս պրակտիկան պետք է դադարեցնել։ Չի կարելի ԱԺ-ին նման վիճակում դնել։ Սա չի խրախուսում խորհրդարանի աշխատանքը, մեր վարկին է խփում։ Կառավարությանը խնդրում եմ հետագայում խուսափել նման բաներից»,-գործադիրին կոչ արեց Վիգեն Խաչատրյանը։
Կարդացեք նաև
Լուիզա ՍՈՒՔԻԱՍՅԱՆ
