Aravot.am-ը Տիգրան Ավինյանից փորձեց մեկնաբանություն ստանալ Պոլիտեխնիկական համալսարանի դիպլոմների հանձնման արարողության վերաբերյալ, որի մասին գրառում էր կատարել ֆեյսբուքի իր էջում: «Ես հեռախոսով մեկնաբանություններ չեմ տալիս»,-ասաց նա: Տիգրան Ավինյանը գրել էր, որ ՀԱՊՀ ավարտական երեկոն անցավ պաշտոնական հագուստով, և այս ավանդույթն անկասկած այսուհետ կպահպանվի։
Այնուամենայնիվ, հետաքրքրվեցինք` ինչպե՞ս է վերաբերվում միջոցառման ժամանակ պաշտոնյաների կրած հագուստների վերաբերյալ սոցցանցերում տարածված հեգնական արձագանքներին: Տիգրան Ավինյանը ծիծաղեց ու ասաց. «Ամենայն հարգանքով, շարունակում եմ մեկնաբանություն չտալ»:
Գոհար ՀԱԿՈԲՅԱՆ
