Փաստաբան Վահե Եփրիկյանը «Հայելի» ակումբում հայտարարեց. «Թմբուկային եւ դհոլային դատախազադատավորական համակարգը, եթե բացառիկ պրոֆեսիոնալներին չհաշվենք, կարելի է վստահությամբ պնդել, որ Հայաստանի Հանրապետության ողջ իրավական համակարգը, սկսած դատախազությունից եւ քննչականից, մինչեւ դատական համակարգ, ըստ էության, Նիկել Փաշինյանի տրամադրության տակ է: Հայաստանում երբեւէ որեւէ իշխանության օրոք արդարադատությունը չի եղել այնքան քաղաքականացված, որքան այժմ է:
Ինչ վերաբերում է քաղաքական հետապնդումների շարունակությանը, կարող եմ նշել, որ այսօր Հայաստանում մեռնում է անկախությունը: Ոչ թե Հայաստանի անկախությունը քաղաքական իմաստով, այլ, դիցուք, փաստաբանական անկախությունն է մեռնում, մեռնում է ԶԼՄ-ների, ազատ խոսքի անկախությունը»: Եվ որպես տիպիկ օրինակ բերեց իր նկատմամբ նախապատրաստվող նյութերը փաստաբանական հարցում կատարելու համար, ինչպես նաեւ «Հայելի» մամուլի ակումբի հիմնադիր Անժելա Թովմասյանին ԱԱԾ հրավիրելը, իր իսկ խոսքով ասած. «իրենք էլ չգիտեն՝ ինչ շրջանակներում»:
Աշոտ ՀԱԿՈԲՅԱՆ
