«Ամեն ինչ լավ կլիներ, միայն թե տարակուսանք է առաջացնում այն, որ այդ քայլը, ըստ ԶԼՄ-ների, Կանադային ԱԳՆ-ն բացահայտորեն մատուցել է այդ թվում «ռուսական ազդեցությանը հակազդելու» համատեքստում: Զարմացնում է այդպիսի գոռոզ և քամահրական վերաբերմունքը մի պետության նկատմամբ, որի հետ, թվում է, պատրաստվում ես երկկողմ հարաբերություններն ամրապնդել:
Ակամայից մտածում ես, թե ինչպես այդ գիծը կանդրադառնա հայ ժողովրդի բարօրության և անվտանգության վրա:
Թվում է, այս սյուժեն բնորոշ է իրենց «ոսկե միլիարդին» դասող պետությունների իշխող շրջանակների՝ մյուս պետություններին ընկալելու տեսանկյունից: Մյուս երկրների և ժողովուրդների նկատմամբ հենց այդպիսի ամբարտավան և գոռոզ վերաբերմունքն էլ ընկած է այն ողբերգական իրադարձություններից շատերի հիմքում, որոնք այսօր տեղի են ունենում ժամանակակից աշխարհում», այս մասին նշվում է Երևանում ՌԴ դեսպանատան ֆեյսբուքյան էջում, որը վերաբերում է Կանադայի դեսպանատան բացմանը:
Պատրաստեց Վիկտորյա ԱՆԴՐԵԱՍՅԱՆԸ
