Հուլիսի 29-ից օգոստոսի 9-ը Հնդկաստանի Չեննայ քաղաքում անցկացվելու է շախմատի 44-րդ համաշխարհային օլիմպիադան, որին մասնակցելու հայտ ներկայացրել են ռեկորդային թվով երկրներ: Տղամարդկանց մրցաշարում հանդես է գալու 187, կանանց մրցաշարում՝ 162 հավաքական: Արդեն հայտնի են Հայաստանի ազգային հավաքականների կազմերը:
Կանայք. Էլինա Դանիելյան, Լիլիթ Մկրտչյան, Աննա Սարգսյան, Մարիամ Մկրտչյան, Սուսաննա Գաբոյան:
Տղամարդիկ. Գաբրիել Սարգսյան, Հրանտ Մելքումյան, Սամվել Տեր-Սահակյան, Մանուել Պետրոսյան, Ռոբերտ Հովհաննիսյան:
Հրապարակվել են նաեւ ԱՄՆ տղամարդկանց եւ կանանց հավաքականների կազմերը, որտեղ կան մեկական հայ շախմատիստներ՝ Լեւոն Արոնյանը եւ Տաթեւ Աբրահամյանը:
Կարդացեք նաև
Չեննայում Բրազիլիայի թիմի կազմում լինելու է Կրիկոր Սեւագ Մխիթարյանը, իսկ Լիբանանի կանանց ընտրանիում են Քնարիկ Մուրադյանն ու Դանիելե Բեդրոսյանը:
Աշոտ ՀԱԿՈԲՅԱՆ
