Ադրբեջանական բանակին փոխանցված Bayraktar TB2 հարվածային և հետախուզական անօդաչու թռչող սարքը օպերատորի սխալի պատճառով խոցել է ադրբեջանական զորքերի դիրքերը, ինչի հետևանքով ոչնչացվել է ադրբեջանական զինուժի մոտ երկու մոտոհրաձգային միավորում։ Այս թեմայով տեղեկություն է հնչեցրել ադրբեջանցի զինծառայողներից մեկը, որին բախտ է վիճակվել ողջ մնալ:
Մեկնաբանելով լրագրողներին՝ ադրբեջանցի զինվորն ասել է, որ արցախյան երկրորդ պատերազմի ժամանակ թուրքական կողմից Ադրբեջանի զինանոց տեղափոխված Bayraktar TB2 անօդաչու սարքը հարձակվել է ադրբեջանական զինուժի դիրքերի վրա։ Բազմաթիվ հարվածների արդյունքում (ենթադրաբար խոսքը պլանային զինամթերքով չորս հարվածի մասին է – խմբ.) ոչնչացվել են 52 ադրբեջանցի զինծառայողներ, զգալի թվով վիրավորներ էլ են եղել։
Այս պահին Ադրբեջանի պաշտպանության նախարարության կողմից պաշտոնական մեկնաբանություն չի արվել այս հարցի վերաբերյալ։ Ավելին, վարկածներ են ի հայտ եկել, որ անօդաչու թռչող սարքի հարվածը կարող էր սխալ չլինել. հարվածը բարեկամական ուղղությամբ կարող էր նպատակաուղղված լինել՝ հայկական կողմին և չճանաչված Լեռնային Ղարաբաղի Հանրապետության զինվորականներին մեղադրելու հարձակման մեջ։
Կարդացեք նաև
Այս տեղեկությունը հրապարակել է Avia.pro – ավիացիոն պորտալը, որն իր ընթերցողներին թույլ է տալիս ժամանակին ստանալ կարևոր տեղեկատվություն օդային տրանսպորտի, քաղաքացիական ավիացիայի, ավիաընկերությունների, օդանավակայանների, սպասարկող ընկերությունների և ինքնաթիռներ արտադրողների մասին:
Անգլերենից թարգմանությունը՝ Աննա Ազնաուրի
