Ընդդիմության հանրահավաքին մասնակցում էր նաեւ Աղավնոյի գյուղապետ Անդրանիկ Չավուշյանը: Նրան դիմավորեցին բացականչություններով եւ ծափերով:
Նա ասաց, որ ցավոք Հայաստանն ասես Էմիրությունների վերածված լինի, եւ մի անձ իրեն թույլ է տալիս միանձնյա որոշումներ կայացնել: «Ինչ-որ մե՞կը պիտի որոշի մենք ուր ապրենք, ոնց ապրենք…Միշտ ասում էին՝ Արցախը մեզ պետք չէ, այսինքն` այս զիջողական դիրքը Հայաստանի իշխանության, ընդունելի չէ…Նիկոլ Փաշինյանը, որ անընդհատ հողեր է զիջում, էդ մանդատը իրեն ոչ մեկ էլ չի տալիս, ոչ էլ մենք թույլ ենք տալիս, որ ինքը մեր ճակատագրի վերաբերյալ որոշումներ կայացնի: Արցախի հողը համահայկական հող է, պատկանում է հայաստանցուն, Սփյուռքին, արցախցուն: Արցախը չի կարող իր սեփականությունը լինել: Նիկոլ Փաշինյանը թող միայն իր սեփականության վրա որոշումներ կայացնի…Իսկ Արցախը կա ու միշտ կլինի: Նաեւ Հայաստանը կա եւ կմնա»,-ասաց Անդրանիկ Չավուշյանը:
Նա տարբեր հարցազրույցներում հայտնել է, որ չեն պատրաստվում լքել իրենց տներն ու այն հողը, որի համար հազարավոր հայորդիներ են զոհվել:
Գոհար ՀԱԿՈԲՅԱՆ
