ՀՌՀ-ն նիստ է գումարել եւ վարչական ակտ է կիրառել «Թի վի 5» հեռուստաընկերության նկատմամբ: Aravot.am-ը թեմայի վերաբերյալ մեկնաբանություն խնդրեց հեռուստաընկերության գործադիր տնօրեն Հարություն Հարությունյանից:
«Հայլուր» ծրագրում շատ բարձր տոկոս է կազմել ցույցերի լուսաբանումը, ինչպես նաեւ այն, որ եթերային ցանցում «լայվերով» միացել ենք: Խախտվել է մեր ծրագրային քաղաքականությունը: Իհարկե, ես դրա մասին խոսել եմ եւ ասել եմ, որ էքստրեմալ իրավիճակներում չես կարող չափ ու ձեւ անել, որ 25 %-ից ավելի չլուսաբանվի: Մի խոսքով, օրենքի շրջանակներում ՀՌՀ-ն է ճիշտ, մասնագիտական առումով՝ մենք: Այս պարագայում օրենքն ու մասնագիտականը հակասության մեջ են, եւ կարծում եմ, որ պետք է լուծումներ գտնել նման հարցերից հետագայում խուսափելու համար»,-ասաց Հարություն Հարությունյանը:
«Ամեն դեպքում, ես չեմ ուզում եւ չեմ պատրաստվում մեղադրել ՀՌՀ-ին, որովհետեւ իրենք շարժվել են օրենքով, բայց այստեղ կան նաեւ մասնագիտական կարեւոր նրբություններ, որոնք նույնպես պետք է հաշվի առնել: Օրենքն ունի բացեր, եւ հիմա ավելի վատ փոփոխություններ են նախատեսվում: E-draft-ում տեղադրված է մի նախագիծ, որը, չեմ զարմանա, եթե անցնի, եւ սեպտեմբերից ավելի վատ պայմաններում աշխատենք…»,-հավելեց հեռուստաընկերության գործադիր տնօրենը:
Գոհար ՀԱԿՈԲՅԱՆ
Կարդացեք նաև
Լուսանկարը՝ Հարություն Հարությունյանի ֆեյսբուքյան էջից
