Անզեն աչքով էլ նկատելի է, որ Հայաստանում վերջին ամիսներին արձանագրվող ինքնասպանությունների և ինքնասպանության փորձերի թիվն աստիճանաբար սպառնալիք են դառնում հասարակության համար:
Մարդիկ ինքնասպան են լինում սոցիալական, տնտեսական, ընտանեկան խնդիրների պատճառով, խաղատներում տանուլ տրված տան, գույքի, կորսված ընտանիքի ցավից, անպատասխան սիրո, հատկապես դեռահասների համար սպառնալիք դարձած ռուսական «Синий кит» խաղի հրահանգներին հետևելով, ապագայի նկատմամբ անորոշության կամ այլ պատճառներով…
Գերակշռողը, սակայն, մարդկանց՝ օր օրի ահագնացող սոցիալական խնդիրներն են, որոնց լուծման տարբերակ էմոցիոնալ գերզգայուն վիճակում գտնվող մարդը չի գտնում: Խիստ մտահոգիչ է նաև ինքնասպանության դիմող անչափահասների թիվը:
168.am-ը Ոստիկանություն և ՀՀ Քննչական կոմիտե գրավոր հարցում էր ուղարկել՝ խնդրելով տրամադրել 2022թ. հունվարից հարցմանը պատասխանելու օրվա դրությամբ ոստիկանության կողմից արձանագրված ինքնասպանությունների և ինքնասպանության փորձերի վիճակագրությունը՝ ըստ ամիսների, առանձին-առանձին:
Կարդացեք նաև
Ի զարմանս մեզ, սակայն, երկու կառույցներն էլ հրաժարվեցին մեզ տվյալներ տրամադրել ինքնասպանությունների ու դրանց փորձերի վերաբերյալ:
Ոստիկանությունից պատասխանել էին, որ հարցմամբ պահանջվող տեղեկատվությունը չեն կարող տրամադրել, քանի որ ՀՀ ոստիկանության ինֆորմացիոն կենտրոնը ինքնասպանությունների և ինքնասպանության փորձերի հաշվառում չի իրականացնում։
Քննչական կոմիտեից ստացել էինք համանման պատասխան:
Արդյոք հայցվող վիճակագրության թեմա՞ն էր խնդիրը, և իշխանությունը խուսափում է թիվ հայտնել, որովհետև այդ թիվն իրականում մեծ է, ցույց կտա ժամանակը:
Գոհար ՍԱՎԶՅԱՆ
Հոդվածն ամբողջությամբ՝ «168 ժամ» թերթի այսօրվա համարում։
