«Հանուն Հանրապետության» կուսակցության նախագահ Արման Բաբաջանյանի ֆեյսբուքյան գրառումը
Պատերազմից հետո Հայաստանում ստեղծվեց պաշտոնաթող նախկին ԱԱԾ աշխատակիցների միություն, որի առաջնորդ հռչակվեց Արթուր Վանեցյանը։ Բայց Վանեցյանի վրա չեմ ուզում կենտրոնանալ։
Այդ միության անդամ ԱԱԾ նախկին տնօրեն ու պատերազմի ժամանակ պատասխանատվությունից թռած Միքայել Համբարձումյանն ու ԱԱԾ տնօրենին նախկին տեղակալ Հրանտ Եպիսկոպոսյանը առանց ամաչելու դուրս են գալիս հանրության առջև և մեծ-մեծ քաղաքական և աշխարհաքաղաքական ռուսահաճո վերլուծություններ են անում, մեկը չկա՞ սրանց հարցնի՝ էդ ոնց է ստացվել, որ ձեր պաշտոնավարման և պատասխանատվության ժամանակ Ադրբեջանը կարողացել է դավաճանների մի ամբողջ որջ ներդնի Հայաստանի և Արցախի զինված ուժերում։
Էն ինչին մենք ականատես ենք վերջին շրջանում, էս «բարդակի» պատասխանատուն առաջին հերթին դուք եք՝ ԱԱԾ ներկա ու նախկին այն աշխատակիցները, որոնք ամենևին չեն պատկերացնում, թե իրենք ո՛ր երկրի հատուկ ծառայությունների աշխատակից են։ Իսկ այն բացահայտվող դավաճանություններին, որ մենք ականատես ենք դառնում գրեթե ամեն շաբաթ, ամբողջությամբ նկարագրում ու բնութագրում է շատ հայտնի չեկիստների աշխատանքի որակն ու բովանդակությունը։
Կարդացեք նաև
«Առավոտ»․ ԱԱԾ պահեստազորի սպաների միությունն ավելի ուշ պատասխանեց Արման Բաբաջանյանի այս գրառմանը՝ մասնավորապես նշելով, թե ԱԱԾ վերաբերյալ նրա պատկերացումները մակերեսային են․ «Դրանք այնքան անհեթեթ են, որ նույնիսկ չգիտեք, որ ռազմական հակահետախուզության ուղղությամբ կատարվող աշխատանքների համար տարիներ շարունակ պատասխանատու են եղել նաև նույն այն անձինք, ովքեր այսօր արդեն ղեկավարում են ԱԱԾ-ն: Եթե դուք որևէ խնդիր եք տեսնում այդ ուղղությամբ նախկինում իրականացված աշխատանքների արդյունավետության մեջ, ապա ձեր դժգոհությունները, պահանջներն ուղղեք հենց նրանց, եթե, իհարկե, նման համարձակություն կունենաք: Պայմաններ մի ստեղծեք, որ հարկադրված լինեք մեզանից էլ հրապարակավ ներողություն խնդրել»։
