Այսօր վերաքննիչ դատարանում, նախագահությամբ դատավոր Կարեն Բիշարյանի, վարչապետ Նիկոլ Փաշինյանի դեմ պետական դավաճանության հոդվածով քրեական գործ չհարուցելու որոշման դեմ փաստաբան Հակոբ Մարտիրոսյանի եւ ԱԺ «Հայաստան» խմբակցության պատգամավոր Արծվիկ Մինասյանի բողոքի քննությունը պետք է լիներ։ Բողոքաբերները դատավորին ինքնաբացարկի միջնորդություն են ներկայացրել։ Կողմերին լսելուց հետո դատարանը գնաց խորհրդակցական սենյակ։ Դրանից անմիջապես հետո զոհված զինծառայողների հարազատներից մի քանիսը բորբոքվեցին։
Հարազատներից մեկը դատախազներից մեկին փորձում էր հարց տալ՝ ինչո՞ւ Փաշինյանը չի հարցաքննվել։
«Թուրքից ծնված են սրանք, արա, թուրք ա, չե՞ս տենում։ Փաշինյանի մաշնի տակի փոշի»,-մեկ այլ հարազատ էլ այսպես դիմեց դատախազին, որն էլ հակադարձեց՝ փոշին էլ ես դու, թուրքն էլ։ Սա էլ ավելի բորբոքեց այս տղամարդու նյարդերը․«Արա՛, ա՛յ թուրքի ծծի կաթ կերած ոչխար։ Արի դեմս, այ փռշտամ ՝ուշքդ էթա»։
Դահլիճում ներկա հարազատներից մեկն էլ վրդովված ասաց՝ մի օր չեն կանչել հարցաքննության։
Կարդացեք նաև
Նելլի ԲԱԲԱՅԱՆ
