Այսօր Երեւանի ընդհանուր իրավասության դատարանում դատավոր Արմեն Շիրոյանի նախագահությամբ քննվում էր «Համախմբում» նախաձեռնության անդամ Ավետիք Չալաբյանի խափանման միջոց կալանքը փոխելու հարցը:
Հիշեցնենք, որ 2022թ․ մայիսի 12-ին Ավետիք Չալաբյանի նկատմամբ սկսվել է քրեական հետապնդում ՀՀ քրեական օրենսգրքի 163-րդ հոդվածի 3-րդ մասի 2-րդ կետով, որը նախատեսում է պատասխանատվություն հավաքին մասնակցելուն հարկադրելը կամ հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելու համար՝ կատարված երկու կամ ավելի անձանց նկատմամբ:
Դատարանի դահլիճում լրագրողների հարցին, թե ի՞նչ ակնկալիք ունեք դատարանից՝ Ավետիք Չալաբյանը պատասխանեց. «Կարծում եմ, այս դատական նիստում տեղի ունեցող իրադարձությունները ցույց են տալիս, որ այս դատական նիստը շինծու է, իմ կալանքը ընդամենը պատժի միջոց է եւ բացարձակ քաղաքական դրդապատճառներ ունի, մի պահ նույնիսկ մի կասկածեք դրա մեջ»:
Կարդացեք նաև
Հռիփսիմե ՋԵԲԵՋՅԱՆ
