Միության անդամներն անընդունելի են համարում Արցախի պետական մարմինների կողմից մշակված աջակցության ծրագրերում միայն պատերազմի զոհերի և անհայտ կորածների ընտանիքների անդամների ընդգրկումը

Հունիսի 23-ին ԱՀ ԱԺ նախագահ Արթուր Թովմասյանն ընդունել է ԱՀ զոհված ազատամարտիկների հարազատների միության վարչության նախաձեռնող խմբի անդամներին։

Հանդիպմանը ներկա էին ԱԺ նախագահի գլխավոր խորհրդական Բելլա Լալայանը, ԱԺ սոցիալական և առողջապահության հարցերի մշտական հանձնաժողովի նախագահ Արամ Գրիգորյանը, աշխատակազմի ղեկավարի տեղակալ Գարիկ Ժամհարյանը։

Միության անդամները ԱԺ նախագահին են ներկայացրել վարչության նիստում կայացրած որոշման նախագիծը, ըստ որի անընդունելի են համարում պետական մարմինների կողմից մշակված աջակցության ծրագրերում միայն 44-օրյա պատերազմի զոհերի և անհայտ կորածների ընտանիքների անդամների ընդգրկումը։

Կարդացեք նաև

Ինչ է լինելու «Յալթայից» առաջ

• 10:00 10.12.2024

Առանց դիմադրության և «կրակոցների» մեկ ​​օրվա ընթացքում հակառակորդը չէր կրի նման քանակի կորուստներ. թվեր ու փաստեր՝ ընդդեմ կեղծիքի. «Սիվիլնեթ»

• 10:15 30.11.2024

«Փաշինյանը եւ նրա գաղափարակից պաշտոնյաները ենթարկվելու են պատասխանատվության՝ Արցախն Ադրբեջանին հանձնելու, մեր զինվորներին զոհաբերելու համար»․ Բազեյան

• 15:54 27.11.2024

Արցախյան առաջին պատերազմում զոհված ազատամարտիկների հարազատների միությունը պետական մակարդակով իրականացվող սոցիալական աջակցության ծրագրերից արցախյան առաջին պատերազմի ընտանիքներին տարանջատելու և այլ խնդիրների վերհանման բովանդակությամբ բազմաթիվ բողոք-դիմումներ և նամակներ է ստանում, որոնց միության վարչությունը դժվարանում է պատասխանել։

ԶԱՀՄ նախագահ Ա․ Առստամյանը և միության անդամներն ակնկալում են ԱՀ խորհրդարանի նախագահի միջնորդությունը խնդրի լուծման վերաբերյալ։

Արթուր Թովմասյանը հավաստիացրել է, որ հարցի քննարկումը ներկայացնելու է ԱՀ ԱԽ նիստում և հետամուտ է լինելու, որ միության առջև ծառացած խնդիրների լուծմանը ընդգրկվեն համապատասխան կառույցները։

ԱՀ ԱԺ լրատվության և հանրության հետ կապերի բաժին