Այսօր կառավարության նիստում ՀՀ տարածքային կառավարման եւ ենթակառուցվածքների նախարար Գնել Սանոսյանը ներկայացրեց սուբվենցիաների վերաբերյալ որոշման մեջ փոփոխություն կատարելու հարցը: Նախագծով կատարվող փոփոխությամբ, ըստ նախարարի, կբարձրանա սուբվենցիաների տրամադրման գործընթացի արդյունավետությունը:
Գնել Սանոսյան
ՏԿԵ նախարարը նշեց, որ խոսքը 4 ծրագրերի մասին է, որոնցից մեկը խոշոր է եւ ռեֆորմային: Նիկոլ Փաշինյանն արձագանքելով Գնել Սանոսյանին, իր ելույթում անդրադարձավ գյուղական ճանապարհների սալապատմանը, ասֆալտապատմանը, դրանց պահպանմանը, փողոցները մաքուր պահելու խնդիրներին ու համայնքներում մեխանիզմներ ստեղծելուն:
«Մարդիկ կասեն՝ էս ինչի՞ց են խոսում, հլը նայեք՝ մեր երկիրն ինչ մարտահրավերների առաջ է կանգնած, եկել են բորդյուրի տակ հավաքված ցեխն են քննարկում, բայց ես կարծում եմ, որ այդ բեւեռները գենետիկ կապ ունեն: Որովհետեւ դա ընդհանուր հայացք ու մտածելակերպ է: Էն պրոբլեմները, որ մենք ունեցել ենք եւ ունենք, ես այդ պրոբլեմների արմատը տեսնում եմ 30 տարի ցեխի մեջ կորած փողոցների մեջ: Մեզ համար նորմալ է եղել, որ գյուղ տեղ է, ի՞նչ պարտադիր է, որ կանայք կաբլուկով կոշիկ հագնեն, թող սապոգով գնան-գան»,-ասաց Նիկոլ Փաշինյանը:
Նա պատմեց, որ վերջերս ինչ տեղ գնալիս է եղել եւ մի ցուցանակի վրա գրված է եղել շրջանցիկ ճանապարհ, քանի որ շինարարություն է ընթացել. «Այդ կազմակերպությունը այդ ծրագրից միլիոններ է աշխատում: Այդ ցուցանակը, որ գրված է «շրջանցիկ ճանապարհ», երեւի մի 62 տեղից ճմրթած է, ժապավենը, որով փակված է, երեւի 62 թվից ինչքան շինարարություն են արել, այդ ժապավենով է, ճանապարհային նշանները տրակտորի տակ ընկած: Ճանապարհը փակել են բետոնի կտորներով, որ երեւի պատերազմին են մնացել: Նայում ես, չես հասկանում: 50-100 հազար դրամ դժվա՞ր է ծախսել, երբ միլիոններ են աշխատում: Ընդ որում, ես կասկածներ ունեմ, որ իրենց սեփականը չունեն, իրար են փոխանցում էն նշանները: Դաս երկրի նկատմամբ վերաբերմունք է, չի կարելի այդպես»:
Կարդացեք նաև
Լուսինե ԲՈՒԴԱՂՅԱՆ
Իսկ ես էն պրոբլեմները տեսնում եմ քեզի պես առանց որեւէ տեսլականի իշխանաւորներու մէջ։ Ղեկավար բառը գործածել իսկ չեմ կրնար։