Սոցիոլոգ Արմինե Ադիբեկյանը «Հայելի» ակումբում նշեց, որ վիրավորանքը միշտ էլ եղել է քաղաքական խոսքի մաս: Եվ եթե մարդը մուտք է գործում քաղաքական կամ հանրային դաշտ, պետք է պատրաստ լինի իր հասցեին հայհոյանքներ լսել: «Դա այդպես է ոչ միայն Հայաստանում, այլ ամբողջ երկրագնդի վրա: Մեկը, կարող է, ընդունում է, մեկը՝ չի ընդունում, մեկը առհասարակ անընդունելի է համարում հայհոյանք օգտագործելը, մյուսի համար դա բացարձակապես խնդիր չէ: Ասեմ, որ Նիկոլ Փաշինյանն այդ երկրորդ խմբին է պատկանում:
Ի դեպ, երբ նա լավ պրակտիկա ուներ եւ լայվեր էր մտնում, լայվերից մեկում ասաց, թե հայհոյո՞ւմ են՝ լավ են անում: Եթե հայհոյում են, նշանակում է՝ մենք պետք է լավ աշխատենք: Եվ եթե ճիշտ են հայհոյում, մենք պետք է լքենք մեր պաշտոնները: Հիմա մենք կոտորվում ենք հայհոյելով, սակայն բացի քրեական գործից՝ ոչ մի բան տեղից չշարժվեց: Հրաժարական տվեք՝ պրծեք»,-ասաց սոցիոլոգը:
Աշոտ ՀԱԿՈԲՅԱՆ
