Սիրելի բուժաշխատողներ,
Շնորհավորում եմ ձեզ մասնագիտական տոնի առթիվ:
Որպես բժշկական բուհի ղեկավար՝ ցանկանում եմ համալսարանական բժշկական հաստատությունների յուրաքանչյուր աշխատակցի շնորհակալություն հայտնել նվիրված և բարեխիղճ աշխատանքի համար:
Փրկելով, բուժելով, առողջացնելով դուք առողջապահական տարբեր մարտահրավերներ են հաղթահարում ձեր ամենօրյա աշխատանքով:
Առանց չափազանցման մենք ամեն օր բուժաշխատողների մասնագիտական սխրանքներին ականատես լինելու առիթներ ենք ունենում:
Վերջին տարիներին աշխարհին պատուհասած համավարակը, ինչպես նաև վարակիչ այլ հիվանդությունների տարածումը շատերին ստիպեցին գիտակցել կյանքի իրական արժեքը և գնահատելու այն գործը, որին շատ բուժաշխատողներ նվիրում են իրենց կյանքը:
Կարդացեք նաև
Ցավոք, մեր գործունեությունից անմասն չեն նաև բժշկական անձնակազմերի հանդեպ բռնության դրսևորումները, մարդկային կորուստները, ռիսկերը:
Ձեր առաքելությունը բարդ է, գերպատասխանատու, մարդասիրական, բայց և անփոխարինելի բոլոր ժամանակներում:
Կորոնավիրուսային համավարակը նահանջեց, բայց պայքարը հանուն մարդու առողջության, կյանքի որակի բարելավման շարունակվում է:
Բժշկական կադրերի 100-ամյա դարբնոցում ճերմակ խալաթը կրողի պատիվն ու հեղինակությունը բարձր պահելուն ուղղված ջանքերը շարունակական են:
Եվս մեկ անգամ ընդգծելով բուժաշխատողների աշխատանքի կարևորությունը` մաղթում եմ բոլորիդ նոր ձեռքբերումներ, հաջողություններ, երջանիկ և խաղաղ օրեր:
ԵՊԲՀ ռեկտոր
Արմեն ՄՈՒՐԱԴՅԱՆ
