«Պարոն Ջհանգիրյանն ակնարկում էր մի անեկդոտ, որն այսօրվա իրավական իրականության խտացված արտահայտությունն է։ Դա այն է, որ սկզբից ձեռնարկվում են ռեպրեսիվ միջոցներ՝ լավ իմանալով, որ դրանք ապօրինի են, բայց այդ ընթացքում մարդկանց տանջում են, տանում-բերում։ Այ սրա մասին էր առյուծների եւ գազանների մասին նրա պատմածը։ Ծանր վիրավորանքի հոդվածը՝ որպես օրինակ»,-այսօր լրագրողների հետ ճեպազրույցում անդրադառնալով Գագիկ Ջհանգիրյանի մասնակցությամբ ձայնագրությանը՝ ասաց իրավապաշտպան Ռուբեն Մելիքյանը։
Հիշեցնենք՝ ԲԴԽ լիազորությունները կասեցված նախագահ Ռուբեն Վարդազարյանն այսօր աղմկահարույց ձայնագրություն է հրապարակել եւ հայտարարել, որ ԲԴԽ նախագահի պաշտոնակատար Գագիկ Ջհանգիրյանն իրեն հորդորել է հրաժարական տալ, իսկ հրաժարականը պահանջել է վարչապետ Նիկոլ Փաշինյանը։
«Լսի, դու գիտե՞ս՝ առյուծը որ անտառում փախնող գազանների պ****-ները պոկում ա, հետո ա հաշվում։ Հմի ես քեզ ասում եմ, որ պետք չի տենց բաներ ըլնի, դու էլ ասում ես, որ երեք հատ կա։ Դե ասա ով ա հարուցել ու ասա՝ Ջհանգիրյանն ասում ա հարուցողի մ*** ****»,-այդ թվում ասել էր Գագիկ Ջհանգիրյանն այդ խոսակցության ժամանակ։
Ռուբեն Մելիքյանի խոսքով՝ այս ամենից ակնհայտ է, որ կա պաշտոնապես ձեւակերպված սկզբունք, որը կարելի է անվանել սկզբում քրեական հետապնդում, հետո նոր՝ ճշմարտության ի հայտ բերում։ Մելիքյանի բնորոշմամբ՝ ձայնագրությունից նաեւ ակնհայտ է Ռոբերտ Քոչարյանի հանդեպ ընդգծված հակաիրավական մոտեցումը։
Կարդացեք նաև
Լուիզա ՍՈՒՔԻԱՍՅԱՆ
