«Ազատություն». Պաշտոնական Երևանը չի արձագանքում Ադրբեջանի նախագահի հայտարարություններին, թե Լեռնային Ղարաբաղի կարգավիճակի մասին չխոսելու բանավոր պայմանավորվածություն կա, ու եթե հայկական կողմը շարունակի բարձրաձայնել կարգավիճակի հարցը, դա կարող է հանգեցնել նոր առճակատման։ Հայաստանի արտգործնախարարությունն, օրինակ, վաղ առավոտյան հերքեց Ալիևի մեկ այլ հայտարարություն, թե Երևանը չի մերժել Թբիլիսիում արտգործնախարարների եռակողմ հանդիպման առաջարկը՝ չանդրադառնալով, սակայն, պայմանավորվածությունների մասին պնդումներին։
Ի՞նչ պայմանավորվածության մասին է խոսում Ադրբեջանի նախագահը, ո՞ւմ հետ է այդ պայմանավորվածությունը ձեռք բերվել, արդյոք Հայաստանի ղեկավարի՞։ Այս հարցով «Ազատությունը» դիմել է արտաքին գերատեսչություն, պատասխան դեռևս չի ստացվել։
Նախօրեին էլ Ադրբեջանի անվտանգության խորհրդի քարտուղարն էր հայտարարել, թե Ալիևի պահանջով բանակցային լեքսիկոնից հանվել են «Լեռնային Ղարաբաղի հակամարտություն» և «կարգավիճակ» եզրույթները։
Հղում անելով խորհրդարանում վարչապետ Փաշինյանի նախօրեի հայտարարությանը, թե Լեռնային Ղարաբաղի հայության անվտանգությունը երաշխավորող ցանկացած կարգավիճակ Հայաստանի համար պետք է լուծում համարվի, ընդդիմադիրները կարծում են՝ Հայաստանի վարչապետը դեմ չէ, որ Արցախը լինի Ադրբեջանի կազմում:
Կարդացեք նաև
«Պատասխան այսօր տվեց Ալիևը: Այն, որ ամիսներ շարունակ ասում էինք, որ Ալիևը և Նիկոլը ունեն պայմանավորվածություն երկիրը կտոր-կտոր հանձնելու, և կային մարդիկ, որոնք ասում էին` այդպես չէ», – երեկ երեկոյան հայտարարել է Նիկոլ Փաշինյանի հեռացումը պահանջող Դաշնակցության ներկայացուցիչ Իշխան Սաղաթելյանը։
Աստղիկ ԲԵԴԵՎՅԱՆ
Նյութն ամբողջությամբ՝ սկզբնաղբյուր կայքում:
