«Ինձ համար խրախուսելի են մի շարք հանդիպումները վարչապետ Փաշինյանի և նախագահ Ալիևի միջև և դրանց առնչվող հայտարարությունները՝ ինչպես օրինակ սահմանագծման և սահմանազատման հանձնաժողովի վերաբերյալ»,- ՀՀ ԱԳ նախարար Արարատ Միրզոյանի հետ համատեղ հանդես գալով մամուլի հայտարարությամբ՝ ասաց Եվրոպայի խորհրդի գլխավոր քարտուղար Մարիա Պեյչինովիչ Բուրիչը:
Շարունակելով Լեռնային Ղարաբաղի հակամարտության թեման՝ ԵԽ գլխավոր քարտուղարն ասաց. «Մենք պետք է վստահության և հաշտեցման հասնենք: Այն բոլոր նախաձեռնությունները, որ այս ուղղությամբ իրականացվում են, ողջունելի են և պիտի օժանդակություն ստանան: Ուրախ եմ, որ առաջին վստահության միջոցների կառուցման հանդիպումը ՀՀ-ի և Ադրբեջանի քաղհասարակության ներկայացուցիչների միջև տեղի ունեցավ մայիսի 16-18-ը Վենետիկում՝ ԵԽ հովանու ներքո»:
Մարիա Պեյչինովիչ Բուրիչն արձանագրեց՝ ՀՀ-ն վերջին 21 տարիների ընթացքում, ինչ անդամակցում է ԵԽ-ին, դրսևորել է բարձր նվիրում կազմակերպության հետ համագործակցության հարցում: Այս առիթով ասաց. «ՀՀ-ին խրախուսում եմ շարունակել լիովին օգտվել ԵԽ-ի օգնությունից, վերջնական տեսքի բերել ընտրական բարեփոխումները՝ համապատասխանեցնելով Վենետիկի հանձնաժողովի առաջարկություններին, ԶԼՄ օրենսդրությունը, սահմանադրական բարեփոխումները ավարտուն տեսքի հասցնել»:
Կարդացեք նաև
Տաթև ՀԱՐՈՒԹՅՈՒՆՅԱՆ
