Բասկետբոլի Հայաստանի տղամարդկանց հավաքականի նորանշանակ մարզիչ, շուրջ 30 տարի NBA-ում աշխատած մեր հայրենակից Ռեքս Կալամյանը, որը մեր ընտրանուն սկսել է նախապատրաստել հունիսի 23ից 26-ը Կարեն Դեմիրճյանի անվան մարզահամերգային համալիրում կայանալիք SADA Cup միջազգային մրցաշարին եւ հունիսի 28-ից հուլիսի 3-ը Մալթայում կայանալիք Եվրոպայի փոքր երկրների առաջնությանը, լրատվամիջոցներին հայտարարել է, թե հավատում է, որ Հայաստանի ընտրանին ունի Եվրոպայի փոքր երկրների առաջնությունում հաղթելու ներուժ: Նա նաեւ նշել է, որ իրեն հատկապես դուր են գալիս հավաքականին միացած այն բասկետբոլիստները, որոնք հանդես են գալիս ներքին առաջնությունում: Նա նաեւ ասել է, որ իր նպատակը բասկետբոլը Հայաստանում զարգացնելն է:
Ռեքս Կալամյանը օրեր առաջ հրապարակել է նաեւ Հայաստանի հավաքականի ընդլայնված կազմը:
Պաշտպաններ. Անդրե Սպայթ-Մկրտչյան, Արտյոմ Բիչախչյան, Մխիթար Վարդանյան, Դավիթ Քարամյան, Գաբրիել աճեմյան, Մեթյու Մադոյան, Ալեքս Ստեփանյան, Քրիս Ջոնս:
Կենտրոնականներ. Չաք Թավիթյան, Արկադի Մկրտչյան, Դավիթ Խաչատրյան:
Կարդացեք նաև
Հարձակվողներ. Հայկազ Գրիգորյան, Ալբերտ Թադեւոսյան, Գեորգի Պոդկոլզին, Անդրե Զոհրաբյան:
Աշոտ ՀԱԿՈԲՅԱՆ
