Կայացավ Համլետ Պետրոսյանի և Նժդեհ Երանյանի «Արցախի կոթողային մշակույթը» եռալեզու գրքի շնորհանդեսը։ Գրքում պատմա-աղբյուրագիտական, ճարտարապետական, պատկերագրական, իմաստաբանական քննությամբ ներկայացվում և փաստագրական տվյալների վրա հերքվում են Արցախի կոթողային մշակույթի վերաբերյալ ադրբեջանական զեղծարարությունները։
Շնորհանդեսին ներկա էին`մշակութաբաններ,բնագետներ,որոնց համար գիրքը մեծ ձեռքբերում էր։
ՀՀ ԿԳՄՍ փոխանախարար Ալֆրեդ Քոչարյանը ընդգծեց, որ նման աշխատանքները կարևոր և արդիական են դարձել 44-օրյա պատերազմից հետո, երբ մեր հարևան երկիրը ցանկանում և փաստացի ոչնչացնում է հայկական ժառանգությունը։ Այս գիրքը գիտական վառ ապացույց է, որ Արցախը պատմականորեն հայկական է։
Կարդացեք նաև
Արցախի Հանրապետության նախագահի խորհրդական Լուսինե Ղարախանյանը, նշեց, որ, երբ մարդու էթնիկական, մշակութային, ազգային և հոգևոր պատկանելիության սահմանները հատում են, երբ մարդը հայտնվում է տագնապի մեջ, ապա հավելեց, որ մենք հիմա տագնապի մեջ ենք։
Նրա ձեւակերպմամբ, ինքնության որոնումներում խարխափող և իրենց նախարարներին արդեն 5 անգամ փոխած ադրբեջանցիները, շարունակում են տարբեր պատճառներով ոչնչացնել Արցախի պատմամշակութային ժառանգությունը, որը հզոր քաղաքակրթություն է իր մեջ ներառում։ «Այս գիրքը հասցեական հաղորդագրություն է ադրբեջանցիներին, որը շատ հարցերի պատասխան է տալիս», – ամփոփելով ելույթը ասաց նա՝ Արցախի նախագահի շնորհակալագրերը հանձնելով գրքի հեղինակներին։
Լիլիթ ՄՈՒՐԱԴՅԱՆ
