Մամուլում, սոցցանցերում բուռն քննարկվեց երրորդ նախագահ Սերժ Սարգսյանի խոսքերը, երբ ասել էր՝ «ընդդիմության առաջնորդ Իշխան Սաղաթելյանը» կասի: Շատերը դրա մեջ հեգնանք են տեսնում, ոմանք կարծում են, որ դրանով Սերժ Սարգսյանը ընդդիմության ձախողումից ուզում է ձեռքերը լվալ:
Այս առնչությամբ Aravot.am-ի հետ զրույցում ՔՊ պատգամավոր Հովիկ Աղազարյանը նախագահի այդ բազմանշանակ հայտարարության հետ կապված իր մեկնաբանությունը ներկայացրեց. «Քանի որ Սերժ Սարգսյանը բավականին պատրաստված եւ խելոք անձնավորություն է, հետեւաբար միանշանակ գնահատել իր խոսքերը շատ դժվար է, որովհետեւ ինքը բառերը չի շպրտում եւ հենց այնպես ոչինչ չի ասում: Իր ասածի մեջ իմաստ կա: Ինձ թվում է, թե հեգնանք կա իր խոսքում համենայնդեպս: Թեեւ Իշխան Սաղաթելյանը շատ բան արեց իրենց բոլորի համար, բայց այդուհանդերձ, Սերժ Սարգսյանի խոսքում հեգնանք կա»:
Թե ի՞նչ արեց Իշխան Սաղաթելյանը, օրինակ՝ Սերժ Սարգսյանի համար՝ Աղազարյանն ասաց. «Գիտեք, հեշտ չի ամենօրյա ռեժիմով գնալ պատրաստվել եւ հաջորդ օրը նորից ներկայանալ 2000-3000, երբեմն՝ 12 հազար քաղաքացիների առաջ ու անընդհատ այդ օրակարգը պահել»:
Կարդացեք նաև
Հռիփսիմե ՋԵԲԵՋՅԱՆ
