Հունիսի 8-ին Եվրախորհրդարանն ընդունել է բանաձեւ, որում մեկ անգամ եւս ամրագրել է, որ Լեռնային Ղարաբաղի հակամարտությունը կարգավորված չէ եւ որ Ադրբեջանն է սանձազերծել 2020թ. 44-օրյա պատերազմը:
Թե ինչպես է միջազգային հեղինակավոր այս կառույցում հաջողվել հերթական անգամ բավական նշանակալի հաջողություններ գրանցել, մանրամասները պարզելու համար դիմեցինք Դավիթ Շահնազարյանին: Ինչպե՞ս է պաշտոնական Բաքուն փորձել հակազդել Հայաստանի համար նպաստավոր ձեւակերպումներին:
Ըստ մեր զրուցակցի՝ Ադրբեջանի քաղաքական ղեկավարությունը այս անգամ էլ մեծ ջանքեր էր գործադրել, որպեսզի խափանեն հայկական կողմերի համար բարենպաստ ձեւակերպումները: Հայտնի է, որ Եվրախորհրդարանի այս նստաշրջանի նիստերն ընթանում էին Ստրասբուրգում, եւ Դավիթ Շահնազարյանի փոխանցմամբ՝ պաշտոնական Բաքուն Ստրասբուրգ էր գործուղել ադրբեջանական մեծաթիվ դեսանտ-պատվիրակություն, ինչպես նաեւ, Բրյուսելից Ստրասբուրգ էր ժամանել ԵՄ-ում Ադրբեջանի ներկայացուցչության ղեկավար, դեսպան Վագիֆ Սադիկովը:
Ադրբեջանական կողմի ջանքերը տապալվել են թե՛ հունիսի 8-ին ընդունված բանաձեւի, թե՛ մեկ այլ բանաձեւում՝ Բաքվի առաջարկած մի կետի մասով:
Կարդացեք նաև
Եվրախորհրդարանի ընդունած բանաձեւի վերաբերյալ Դավիթ Շահնազարյանի ներկայացրած մանրամասներին ծանոթացեք հունիսի 14-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
