Համախմբման անդամ, ԵՊՀ դոցենտ Մենուա Սողոմոնյանը գտնում է, որ Հայաստանում այս պահին քաղաքական ճգնաժամ կա:
Անդրադառնալով ՀՀ ԱԳՆ Արարատ Միրզոյանի կողմից արված մի քանի հայտարարություններին՝ Սողոմոնյանը նշեց. «Արարատ Միրզոյանն ասում էր, որ Ֆրանսիայի հրապարակը իրենց իշխանության կողմից վարվող հայ-ադրբեջանական և հայ-թուրքական հարաբերությունների քաղաքականությանը այլընտրանք չի առաջարկում, բայց դրանք բազմաթիվ են: Մենք ասել ու ասում ենք, որ իրենց վարած քաղաքականությունը վստահություն չի ներշնչում: Ինքը հղում էր անում նոյեմբերի 9-ի և հունվարի 11-ի փաստաթղթերին, ասում, թե արդյոք իրենք ասել են, որ այդ հայտարարությունների շրջանակը ճանաչում են, թե ոչ: Մեկ անգամ ևս նշենք, որ այդ հայտարարությունները շատ ծանր են հայկական կողմի համար, և այդ ստորագրմանը հանգեցրել է ներկա իշխանությունների վարած՝ պատերազմի կանխորոշված նման ելքի բերող քաղաքականությունը: Բայց հարկ է նշել, որ նրանք նույնիսկ այդ հայտարարությունները չեն կարողացել պահպանել, քանի որ դրանցով նախատեսված չէ, որ հայկական կողմն իր զորքերը պետք է հանի Կովսականից և Սանասարից: Այսքանից հետո ինչպես կարող է հայ ժողովուրդը հավատ ընծայել նրանց վարած քաղաքականությանը»:
Մենուա Սողոմոնյանի խոսքով՝ առկա ճգնաժամն արդյունք է նաև ներքաղաքական բնույթի բազմաթիվ իրողությունների. իրենք դավաճանել են իրենց հռչակած հեղափոխական արժեքները, օրենքի գերակայության տարրական մեխանիզմները չեն աշխատում։
Մանրամասն՝ տեսանյութում.
Կարդացեք նաև
5165 շարժում
