Aravot.am-ը «Մենք դեմ ենք օտարալեզու դպրոցների բացմանը» նախաձեռնության անդամ Արմեն Հովհաննիսյանից հետաքրքրվեց` նախաձեռնության անդամները 2010-ին համարում էին, որ օտարալեզու դպրոցների բացումը դիվերսիա է հայոց լեզվի եւ անկախ պետականության դեմ, հայտարարում էին, որ լեզուն գույք չէ՝ պարտքի դիմաց, իսկ ինչո՞ւ հիմա չեն ընդվզում, երբ ՌԴ արտգործնախարար Սերգեյ Լավրովը ՀՀ արտգործնախարար Արարատ Միրզոյանի հետ հանդիպման ժամանակ ասել է, որ ընդառաջելով հայկական կողմի ցանկությանը՝ մտադիր են ավելացնել ռուսական դպրոցների թիվը:
«Տառացիորեն պիտի կրկնեմ Ձեր կողմից մեջբերված դրույթները: Սա դիվերսիա է հայոց պետականության դեմ: Կարծում եմ, Մոսկվայի հաճոյությունը ընդդիմությունից դեպի կառավարություն ուղղորդելու պատճառով է: Մեր ազգային շահերի հաշվին, իհարկե: Չեմ բացառում, որ այս գործընթացն արտահայտում է անձամբ Փաշինյանի գավառական պատկերացումները՝ թե դիվանագիտության, թե կրթության վերաբերյալ»,-ասաց Արմեն Հովհաննիսյանը:
Գոհար ՀԱԿՈԲՅԱՆ
Լուսանկարը՝ արխիվային
