Նիկոլ Փաշինյանի հրաժարականի պահանջով դիմադրության շարժումն այսօր երթով շարժվեց դեպի նախագահական նստավայր, որտեղ կայանալու է ՀԱՊԿ ԱԳ նախարարների խորհրդի նիստը։ Բողոքի գործողության նպատակն է հայտարարել, որ Նիկոլ Փաշինյանը ՀՀ անունից բանակցելու իրավունք չունի։
«Առաջին բանը, որ ստանձնելով երկրի կառավարումն արեց այս իշխանությունը, դա ՀԱՊԿ-ում ՀՀ-ի հեղինակազրկումն էր՝ ՀԱՊԿ գլխավոր քարտուղար Յուրի Խաչատուրովի կալանավորումը։ Երեք տարում պատերազմի ժամանակ եւ դրանից հետո ՀՀ տարածքի տարբեր հատվածներ ադրբեջանական օկուպացիային ենթարկելուց հետո, ձեւական խաղերով ՀԱՊԿ-ին հեղինակազրկեցին, իսկ այսօր նա նստած է իբրեւ ՀԱՊԿ նախագահող»,-հայտարարեց ԱԺ «Հայաստան» խմբակցության պատգամավոր Գեղամ Մանուկյանը։
Նրա խոսքով․ «Իշխանությունն ունակ չէ, լեգիտիմ չէ եւ իրավունք չունի հայ ժողովրդի անունից հանդես գալու, չունի մանդատ, որով կարող է ՀՀ տարածքային ամբողջականության, Արցախի անվտանգության հետ կապված որեւէ համաձայնության գալ, խոստում տալ։ Վաղուց իշխանությունը կորցրել է հայ ժողովրդի վստահությունը»։
Ցուցարարների երթը Բաղրամյան պողոտայում է․ ոստիկանները փակել են դեպի նախագահական նստավայր տանող հատվածը։
Կարդացեք նաև
Լուիզա ՍՈՒՔԻԱՍՅԱՆ
