Նիկոլ Փաշինյանի հրաժարականի պահանջով դիմադրության շարժումն այսօր երթով հասավ ՀՀ ԱԳՆ շենքի մոտ։
Protesters of the ‘Resistance’ movement hold a protest march in the streets of Yerevan, Armenia
Protesters of the ‘Resistance’ movement hold a protest march in the streets of Yerevan, Armenia
ՀԱՊԿ արտաքին գործերի նախարարների խորհրդի նիստին մասնակցելու նպատակով ՀՀ է ժամանել ՌԴ արտաքին գործերի նախարար Սերգեյ Լավրովը, եւ շարժումն ուղերձ է փոխանցում նրան։ Ոստիկաններն արգելափակել էին նախարարության դիմացի հատվածը, ուստի շարժման մասնակիցները հավաքվեցին մուտքից մի փոքր այն կողմ։
Protesters of the ‘Resistance’ movement hold a protest march in the streets of Yerevan, Armenia
«Եկել ենք փոխանցելու՝ այն մարդու հետ, որի հետ բանակցում են, նա չունի մանդատ մեր ժողովրդի անունից բանակցելու եւ նրա ցանկացած պայմանավորվածություն առ ոչինչ է»,-լրագրողների հետ ճեպազրույցում հայտարարեց «Հայաստան» խմբակցության պատգամավոր Իշխան Սաղաթելյանը։
Թե ինչու բողոքի գործողություններն ավելի կտրուկ չեն, նա նշեց․ «Մենք ԱԳՆ շենքի մոտ ենք։ Այսօր մեր նպատակը շենք շրջափակելը չէ։ Նպատակն ուղերձը հասցնելն է եւ ասել, որ որքան էլ փորձեն ներկայացնել, թե ՀՀ-ում ճգնաժամ չկա, այսպես չէ՝ կա։ ՀՀ ժամանող ամեն պատվիրակություն պետք է զգա ժողովրդի շունչը։ Մեր օրակարգից բոլորը պետք է տեղյակ լինեն»։
Կարդացեք նաև
Սաղաթելյանի խոսքով՝ ցանկացած իրավիճակում իրենք նպատակ չեն ունեցել արգելել, որ ՀՀ ժամանած պաշտոնյաները շենք չմտնեն․ «Նպատակն է դիրքորոշում արտահայտել։ Նման մարդիկ մեր երկրի հյուրերն են։ Պետք է իմանան, որ ում հետ որ բանակցում են, նա կապ չունի ժողովրդի օրակարգի հետ։ Մեր նպատակը չէ արգելել հանդիպումները, այլ խոսքը տեղ հասցնելն է։ Վստահ եղեք, որ մեր վանկարկումները եւ մթնոլորտը տեղ կհասնեն»։
Հարցին՝ Լավրովի հարցում կաշկանդվածություն կա՞, Իշխան Սաղաթելյանը պատասխանեց․ «Ուրիշ տեղ եք տանում։ Քանի կար ասում էիք՝ Ռուսաստանից մեկը գա, ռիսկ չեն անի մի բան ասեն։ Հասկանում եմ ինչ եք ուզում ասած լինել, բայց այսօր երեկոյան համեմատեք, կտեսնեք։ Մենք խնդիր ունենք խոսքը տեղ հասցնելու։ Որեւէ մեկից կաշկանդվածություն չունենք»։
Ապա «Հայաստան» խմբակցության պատգամավոր Արամ Վարդեւանյանը Սերգեյ Լավրովի համար նշյալ ուղերձը ռուսերենով ընթերցեց, շեշտեց, որ ՌԴ-ն շարունակում է լինել ՀՀ-ի դաշնակիցն ու բարեկամը, սակայն գործող իշխանությունն ամեն ինչ արել է՝ վտանգելու համար ՀՀ-ՌԴ հարաբերությունները։
Լուիզա ՍՈՒՔԻԱՍՅԱՆ
