«Խոշորացումից առաջ բնակիչներին պետք էր պատշաճ ներկայացնել, թե միավորումն ինչ է։ Շատ կուզեի, որ նման հանրային լսումներն իրականում կազմակերպվեին ոչ թե կատարողական ապահովելու համար։ Եվ բնակիչների կարծիքները լսեին»,-ԱԺ-ում այսօր համայնքների միավորման թեմայով հանրային լսումների ժամանակ հայտարարեց Լոռու մարզի Լեռնապատ համայնքի բնակիչ Լիաննա Աբազյանը։
Լիաննա Աբազյան
Նրա խոսքով՝ Լեռնապատը տրանսպորտի խնդիր ունի, եւ եթե մինչեւ խոշորացումը կարող էին անմիջապես շփվել տեղական ինքնակառավարման մարմնի հետ եւ հարցը քննարկել, ապա հիմա պետք է հասնեն վարչական կենտրոն։
«Բնակավայրերի միջեւ տրանսպորտ չկա, ներհամայնքային՝ նույնպես։ Հարցը լուրջ է, որովհետեւ մինչեւ խոշորացումը բնակիչները կարող էին իրենց համայնքում ավագանու նիստ լսել, հիմա ստիպված են գնալ վարչական կենտրոն, ժամանակ ու գումար ծախսել»,-հավելեց Լիանա Աբազյանը։
Նա նաեւ հարցադրում արեց՝ խոշորացման արդյունքում այդպես էլ պարզ չէ, թե ինչ մեխանիզմներ կան երիտասարդների համար, որպեսզի նրանք մնան համայնքում, ոչ թե աշխատանք փնտրեն քաղաքներում։
Կարդացեք նաև
Լուիզա ՍՈՒՔԻԱՍՅԱՆ
