«Ամերիկայի ձայն». Apple ընկերությունը հայտարարել է իր նորարարությունների մասին, ըստ որի՝ ընկերությունն առաջ է քաշել «գնիր այժմ, վճարիր ավելի ուշ» ծրագիրը, ինչպես նաև M2 չիպերով աշխատող MacBook Air-ը
Երկուշաբթի հունիսի 6-ին Apple-ը գործարկեց իր iPhone-ների ծրագրային ապահովման թարմացումը՝ ներկայացնելով «գնիր այժմ, վճարիր ավելի ուշ» ծառայությունը, ինչպես նաև նոր MacBook Air-ը, որն աշխատում է վերջին M2 չիպով:
Համաշխարհային ծրագրավորողների կոնֆերանսում՝ Apple-ի երկրորդ խոշոր ամենամյա միջոցառմանը, տեխնոլոգիական հսկան ցուցադրեց նոր ավտոմեքենայի վահանակ, որը կընդգրկվի այնպիսի ավտոմեքենաներում, ինչպիսիք են Ford-ը և Jaguar-ը: Այն ներառում է iPhone-ի համար մի շարք նոր գործառույթներ և տվյալների անվտանգության համակարգ:
Apple Pay Later-ը թույլ կտա օգտատերերին վճարել Apple Pay-ի միջոցով և վճարումը կատարել չորս վճարումներով վեց շաբաթվա ընթացքում՝ առանց որևէ լրացուցիչ հավելավճարի:
Կարդացեք նաև
Apple-ը նաև նոր iOS-ում ուժեղացրել է անվտանգության միջոցները: Այն ներդրել է «Անվտանգության ստուգում» հավելվածը, որը թույլ է տալիս օգտվողներին չհրապարակել անձնական տվյալներ, օրինակ, գտնվելու վայրի մասին:
Բացի այդ, Apple-ը ներկայացրել է իր M2 չիպը՝ ընկերության առաջին ներքին չիպի՝ M1-ի իրավահաջորդը: Վերջին M2 չիպը, որն ունի 24 գիգաբայթ հիշողություն, 18%-ով գերազանցում է իր նախորդին և կարող է հեռարձակել 4K և 8K տեսանյութեր:
M2 չիպը կներդրվի բոլորովին նոր MacBook Air-ում: Ավելի թեթև քաշ ունեցող այս նոր համակարգչի արժեքը առանց M2 չիպի սկսվում է 1199 ԱՄՆ դոլարից, որը կունենա մի քանի երանգներ, իսկ MacBook Pro-ն M2 չիպով կարժենա 1299 դոլար: Երկու նոութբուքներն էլ հասանելի կլինեն հաջորդ ամիս:
Նոր MacOS-ը, որը կոչվում է Ventura, կունենա Mail հավելվածի թարմացումներ, տեսախցիկի ծրագրային ապահովման թարմացումներ և բարելավված ծրագրեր:
Հոդվածը պատրաստվել է Reuters գործակալության նյութի հիման վրա:
