Նիկոլ Փաշինյանի հրաժարականի պահանջով Դիմադրության շարժումն այսօր երթ իրականացրեց դեպի ՀՀ-ում ԵՄ դեսպանության գրասենյակ՝ դեսպան Անդրեա Վիկտորինին դժգոհություն հայտնելու հունիսի 3-ի բախման եւ ոստիկանության գործողությունների առիթով նրա լռության առնչությամբ։
«Դեսպան Անդրեա Վիկտորինին, երբ հնարավորություն էր ունենում, առիթը բաց չէր թողնում եւ քաղաքական հայտարարություններ էր անում։ 2008թ․ դեպքերի քաղաքական ենթատեքստերն էր ներկայացնում, իսկ մի քանի օր առաջ տեղի ունեցած վայրագությունների հետ կապված մի ծպտուն անգամ չի հանում, կույր եւ լուռ է ձեւանում»,-հայտարարեց ԱԺ «Հայաստան» խմբակցության պատգամավոր Աննա Գրիգորյանը։
«Դուք ՀՀ-ում պետք է կողմնորոշվեք՝ եվրոպական արժեքնե՞րն եք սատարում, ժողովրդավարությո՞ւնը, օրենքի գերակայությո՞ւնը, թե՞ Նիկոլին եւ նրա աթոռը։ Ժամանակն է, որ դուք կողմնորոշվեք, որ հանրությունն էլ հասկանա՝ դուք ի՞նչ գործառույթ եք կատարում։ Երբ մեր գործընկեր պատգամավորները կալանքի տակ էին՝ մենք ասում էինք, որ սա աբսուրդ է։ Այդ ժամանակ էլ կույր էին եւ լուռ։ Սա է իրենց իրական պատկերը»,-հավելեց նա։
Կարդացեք նաև
Լուիզա ՍՈՒՔԻԱՍՅԱՆ
