«Դիմադրություն» շարժման մասնակիցները բացեցին կառավարության շենքի մուտքերը։ Նրանք այսօր մոտ երկու ժամ շրջափակել էին կառավարության շենքի մուտքերը։ Այժմ նրանք շարժվում են դեպի կառավարական ամառանոց։
Հիշեցնենք, որ «Հայաստան» եւ «Պատիվ ունեմ» խմբակցությունների պատգամավորների նախաձեռնությամբ այսօր ժամը 16:00-ին նախատեսված էր գումարել արտահերթ նիստ, որտեղ ներկայացվելու էր Արցախի վերաբերյալ եւ հայ-թուրքական հարաբերությունների առնչությամբ ընդդիմության ներկայացրած նախագիծը։ ՔՊ-ն տապալեց։ Դեռ մեկ ժամ կա, նիստի հնարավորություն կա»,-հայտարարեց ԱԺ փոխխոսնակ, ՀՅԴ ներկայացուցիչ Իշխան Սաղաթելյանը։
«Գնացել էինք ԱԺ, փախել են էնտեղից, եկել ենք կառավարություն փախել են կառավարությունից։ Հիմա գնում ենք կառավարական ամառանոց, ասում ենք՝ Նիկոլ, արի հանդիպենք, արի ժողովրդի հարցերին պատասխան տուր։ Երկար փախնելով չես կարա քո իշխանությունը պահես։ Նիկոլ համարձակություն ունեցի, դուրս արի եւ պատասխանիր ժողովրդի հարցերին։ Մենք գնում ենք մեր պահանջների հետեւից»,-հայտարարեց Սաղաթելյանը։
Այս պահին ցույցի մասնակիցները շարժվում են դեպի կառավարական ամառանոց։
Կարդացեք նաև
Նելլի ԲԱԲԱՅԱՆ
